ലാൽസലാം ലാൽസലാം ലാൽസലാം
ജയിലറകൾ തുറന്നു വരും ജനനായകരേ
ലാൽസലാം ലാൽസലാം ലാൽസലാം
രണഭൂമിയിലേക്കു വരൂ വീണ്ടും
ലാൽസലാം ലാൽസലാം ലാൽസലാം
ഒരു പിടിയരളിപൂക്കളുമായ്
അരുണപതാകയുമായ്
വരവേൽക്കുന്നൂ ഞങ്ങൾ
ലാൽസലാം ലാൽസലാം ലാൽസലാം
നട്ടുനനച്ചൊരു വാഴകുലച്ചതു
ജന്മിക്കായ് കാഴ്ചവയ്ക്കും മലയപ്പുലയന്മാർ
ആദ്യം കൊയ്യണമധികാരം
എന്നാർത്തുവിളിച്ചൊരു കോമന്മാർ
ആർത്തന്മാരവശന്മാരബലന്മാർ
അവരുടെ മോ‍ക്ഷം നമ്മുടെ ലക്ഷ്യം
അതിനായണിചേർന്നവരേ
ലാൽസലാം ലാൽസലാം ലാൽസലാം
പൊന്നോണത്തിരുനാളിൽ
കുമ്പിൾക്കഞ്ഞിക്കായ്
കാത്തിരിക്കും കുടിലിന്നോമനകൾ
എങ്ങു വിശപ്പിൻ ചെന്തീയിൽ
ഈ കുഞ്ഞുവയറുകളെരിയുന്നൂ
അവിടുണ്ടോ സ്വാതന്ത്ര്യം സ്വാതന്ത്ര്യം
എവിടെ വിശപ്പിൽ നിന്നും
മോചനമവിടെപ്പുലരും സ്വാതന്ത്ര്യം
സ്വാതന്ത്ര്യം സ്വാതന്ത്ര്യം സ്വാതന്ത്ര്യം
വയലാറിലെ വഴിയോരത്ത്
വെടിയുണ്ടകൾ മാറുതുളച്ചൊരു
തൈത്തെങ്ങും കൈവീശുന്നൂ
ലാൽസലാം ലാൽസലാം ലാൽസലാം
രക്തസാക്ഷിക്കുന്നുകൾ ചുറ്റി വലംവയ്ക്കും
കാറ്റും പാടുന്നൂ – ലാൽസലാം ലാൽസലാം ലാൽസലാം
Music: രവീന്ദ്രൻLyricist: ഒ എൻ വി കുറുപ്പ്Singer: കെ ജെ യേശുദാസ്Film/album: ലാൽസലാം