മന്ദാരച്ചെപ്പുണ്ടോ മാണിക്യ കല്ലുണ്ടോMusic: ജോൺസൺ
Lyricist: പൂവച്ചൽ ഖാദർ
Singer: എം ജി ശ്രീകുമാർകെ എസ് ചിത്ര
Raaga: ശുദ്ധധന്യാസി
Film/album: ദശരഥംമന്ദാരച്ചെപ്പുണ്ടോ മാണിക്യ കല്ലുണ്ടോ
കയ്യില്‍ വാര്‍മതിയേ…
പൊന്നും തേനും വയമ്പുമുണ്ടോ
വാനമ്പാടി തന്‍ തൂവലുണ്ടോ
ഉള്ളില്‍ ആമോദ തിരകള്‍ ഉയരുമ്പോള്‍
മൗനം പാടുന്നൂ… [മന്ദാര…]
തഴുകുന്ന കാറ്റില്‍ താരാട്ട് പാട്ടിന്‍ വാത്സല്യം… വാത്സല്യം…
രാപ്പാടിയേകും നാവേറ്റു പാട്ടിന്‍ നൈര്‍മല്യം… നൈര്‍മല്യം…
തളിരിട്ട താഴ്‌വരകൾ താലമേന്തവേ
തണുവണി കൈകളുള്ളം ആര്‍ദ്രമാക്കവേ
മുകുളങ്ങള്‍ ഇതളണിയെ കിരണമാം കതിരണിയെ
ഉള്ളില്‍ ആമോദ തിരകള്‍ ഉയരുമ്പോള്‍
മൗനം പാടുന്നൂ… [മന്ദാര…]
എരിയുന്ന പകലിന്‍ ഏകാന്തയാനം
കഴിയുമ്പോള്‍ കഴിയുമ്പോള്‍
അതില്‍ നിന്നും ഇരുളിന്‍ ചിറകോടെ രജനി
അണയുമ്പോള്‍ അണയുമ്പോള്‍
പടരുന്ന നീലിമയാല്‍ പാത മൂടവേ
വളരുന്ന മൂകതയില്‍ ആരുറങ്ങവേ
നിമിഷമാം ഇല കൊഴിയേ ജനിയുടെ രഥമണയേ
ഉള്ളില്‍ ആമോദത്തിരകള്‍ ഉയരുമ്പോള്‍ മൗനം പാടുന്നു
( മന്ദാരച്ചെപ്പുണ്ടോ )