എത്ര ചിരിച്ചാലും ചിരി തീരുമോMusic: വി ദക്ഷിണാമൂർത്തി
Lyricist: ശ്രീകുമാരൻ തമ്പി
Singer: കെ ജെ യേശുദാസ്
Film/album: കണ്ണൂർ ഡീലക്സ്എത്ര ചിരിച്ചാലും ചിരി തീരുമോ – നിന്റെ
ചിത്തിരപ്പൂവിതള്‍ ചുണ്ടില്‍
എത്ര ചൊരിഞ്ഞാലും കതിര്‍ തീരുമോ – നിന്റെ
ശില്പമനോഹര മിഴിയില്‍
(എത്ര ചിരിച്ചാലും…)
എങ്ങിനെ കോരിനിറച്ചു നിന്‍ കണ്ണില്‍ – നീ
ഇത്ര വലിയ സമുദ്രം – അനുരാഗ
സ്വപ്ന നീലസമുദ്രം (എങ്ങിനെ..)
എങ്ങിനെ നുള്ളി വിടര്‍ത്തി നിന്നുള്ളില്‍ – നീ
ഇത്ര വലിയ വസന്തം – അനുരാഗ
സപ്തവര്‍ണ്ണവസന്തം
(എത്ര ചിരിച്ചാലും..)
എന്തിനെന്‍ കണ്ണില്‍ തെളിയിച്ചു – നീ നിന്റെ
ചന്ദ്രസദൃശ വദനം – മകരന്ദ
മന്ത്രപുഷ്പവദനം (എന്തിനെന്‍..)
എന്തിനെന്നുള്ളില്‍ പണിഞ്ഞു – നിശ്ശബ്ദമീ
ഇന്ദ്രലോക സദനം – മധുരാഗ മന്ത്രവാദ സദനം
(എത്ര ചിരിച്ചാലും ..)