ആറ്റുവഞ്ചിക്കടവിൽ വെച്ച്
Music: ബി എ ചിദംബരനാഥ്
Lyricist: പി ഭാസ്ക്കരൻ
Singer: കെ ജെ യേശുദാസ്
Film/album: കായംകുളം കൊച്ചുണ്ണി
ആറ്റുവഞ്ചിക്കടവിൽ വെച്ച്
അന്നു നിന്നെ ഞാൻ കണ്ടപ്പോൾ
പാട്ടുവന്നതു പവിഴച്ചുണ്ടിൽ
പാതി നിർത്തിയതെന്താണ് – പാതി
നിർത്തിയതെന്താണ്
(ആറ്റുവഞ്ചി… )
തളിരു മരം ചോട്ടിൽ വച്ചു
തുളസിവെറ്റില നുള്ളുമ്പോൾ ()
വളകിലുക്കി വഴിയിലെന്നെ വിളിച്ചു
നിർത്തിയതെന്താണ് – വിളിച്ചു
നിർത്തിയതെന്താണ്
(ആറ്റുവഞ്ചി… )
വിരുന്നു വന്നപ്പോൾ അറയിൽ നിന്നും
വിരിഞ്ഞ താമര കണ്ണാലെ
ഒളിഞ്ഞു നോക്കി ഒരു പുതിയ
കഥ പറഞ്ഞതെന്താണ് -കഥ
പറഞ്ഞതെന്താണ്
(ആറ്റുവഞ്ചി… )
കാറ്റു വന്നെന്റെ കതകിൽ തള്ളുമ്പോൾ
ഓർത്തു ഞാൻ നിന്റെ കാലൊച്ച
കാട്ടുചെമ്പകം പൂത്തു നിൽക്കുമ്പോൾ
ഓർക്കും നിന്നുടെ പൂമേനി -ഓർക്കും
നിന്നുടെ പൂമേനി
പാട്ടിലെന്നെ പിടിച്ചു വച്ചതു
നാട്ടിലൊക്കെ പാട്ടായി ()
പട്ടു തട്ടവും ഇട്ടൊരുനാൾ
കൂടെ വരൂ കൂട്ടായി – കൂടെ
വരൂ കൂട്ടായി
ആറ്റുവഞ്ചിക്കടവിൽ വെച്ച്
അന്നു നിന്നെ ഞാൻ കണ്ടപ്പോൾ
പാട്ടുവന്നതു പവിഴച്ചുണ്ടിൽ
പാതി നിർത്തിയതെന്താണ് – പാതി
നിർത്തിയതെന്താണ്
AATTU VANCHI KADAVIL VACHU